Японияда охирги беш йиллик ичида туғилиш кўрсаткичи юқорилади

Японияда сўнгги беш йил ичида туғилиш кўрсаткичи юқори даражада қайд этилди. Мамлакат соғлиқни сақлаш, меҳнат ва фаровонлик вазирлигининг хабар беришича, 2015 йилда туғилиш ҳолати ўтган йилдагига қараганда 1 млн 8 минг нафарга кўпайган.

Шу билан бирга мамлакатда ўлим ҳолатининг кўрсаткичи ҳам ошган. 2015 йилда бу кўрсаткич 29 минг кишига кўпайтган ва 1 млн 302 минг кишини ташкил этган. Ташкилотнинг маълум қилишича, ўртадаги фарқ 294 минг кишини ташкил этмоқда.

Соғлиқни сақлаш вазирлиги мутахассисларининг таъкидлашича, замонавий япон жамиятида туғилиш ҳолатининг ошиши оддий бўлмаган вазиятдир. Бу мамлакатда туғиш ёшидаги аёлларнинг тез суръатларда камайиб кетаётгани билан боғлиқ ҳолат, демоқда мутахассислар.

Сўнгги бор Японияда туғилиш ҳолати 70-йилларда яхшиланган бўлиб, ўшанда кўрсаткич икки миллион нафарга етган эди. 1984 йилда 1,5 млн нафарга, 2005 йилда эса 1,1 млн нафарга тушиб кетган эди.