“Барселона” “Эспаньол”га гол ура олмади, бироқ Испания чемпионатининг якка пешқадамига айланди

Испания Примерасининг 18-турида Барселона шаҳри клублари “Эспаньол” ва “Барселона” 0:0 ҳисобида дуранг натижа қайд қилишди. Учрашув “Эспаньол”нинг уй майдони “Корнелья-Эль Прат”да бўлиб ўтди.

1-бўлимда “Барса” футболчилари устунликка эга бўлишди ва бир нечта хавфли вазиятларни юзага келтиришди. Танаффусдан кейин ўйин кўриниши ўзгармади ва томошабинлар голларни кўра олишмади.

“Барса” икки очко йўқотишига қарамай, “Атлетико”дан ўтиб кетди ва Примерада якка пешқадамликни қўлга олди: 17 та ўйиндан кейин каталонияликлар ҳисобида 39 очко, “матрасчилар”да эса 38 очко бўлди. “Эспаньол” эса 21 очко билан 11-ўринни эгалламоқда.

Испания Примераси. 18-тур
"Эспаньол" – "Барселона" – 0:0