АҚШда жиноятчи гаровга олинган уч кишини яралади ва ўзини ўлдирмоқчи бўлди

АҚШнинг Лонг-Бич шаҳрида (Калифорния штати) бир эркак бир нечта жиноят содир этиб, сўнгра ўзининг жонига қасд қилмоқчи бўлган, деб хабар бермоқда KTLA телеканали. Унинг жиноий хатти-ҳаракатлари оқибатида ўзи ва яна уч киши жабр кўрган.

1 январда шаҳар полицияси ичида икки киши бўлган Volkswagen Passat автомобилини тақиб қила бошлаган. Ногоҳ қочаётган автомобилдан бир эркак сакраб тушиб, йўловчиларга ўқ уза бошлаган ва сўнгра қизил йўлтанламас автомобилни олиб қочган. Жиноятчи машинада 10 км ча йўл ўтиб, бир уйга бориб урилган ва воқеа жойидан яширинмоқчи бўлган.

Полициячилар жиноятчини қидириш пайтида яқин орадаги уйлардан бирида ўқ овозларини эшитишган. Полиция маълумотларига кўра, жиноятчи бир неча киши бўлган уйлардан бирига беркиниб олган. Жиноятчи бир эркакка пичоқ билан жароҳат етказган, яна иккитасини ўқотар қуролдан яралаган. Шундан кейин жиноятчи ўзининг бошига ўқ узган.

Ярадорлардан бири уйдан қочиб чиқиб, полицияга уйида икки фарзанди борлигини айтган. Болалар жиноят оқибатида жабр кўрган-кўрмагани маълум қилинмаган. Таъкидланишича, воқеанинг 3 нафар жарбдийдаси ва жиноятчининг ўзи шифохонага етказилган. Шифокорлар жиноятчининг аҳволини оғир дея баҳоламоқдалар.

Тақиб қилинган Volkswagen Passat машинаси ҳайдовчиси яширинишга муваффақ бўлган. Кейинроқ автомобиль шикастланган ҳолатда топилган.