Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жамият | 09:38 / 02.01.2016
    3702
    1 дақиқада ўқилади

    Техасликларга 1871 йилдан бери илк марта жамоат жойида қурол кўтариб юришга рухсат берилди

    2016 йилнинг 1 январь кунидан АҚШнинг Техас штатида фуқароларнинг жамоат жойларида қурол кўтариб юришига рухсат берувчи қонун кучга кирди. Бу ҳақда Рейтер агентлиги хабар тарқатди.

    Эндиликда кимда лицензияли қурол бўлса, уни ўз хавфсизлигини таъминлаш мақсадида ғилофга солинган ҳолда ёнида олиб юриши мумкин бўлади. Шу билан биргаликда компания ва ташкилотлар ўз ҳудудига қурол олиб киришни чеклай олади. Бунда бинога кираверишда тақиқ белгисини ўрнатиш керак бўлади.

    Маълум бўлишича, ҳозирда 27 миллион киши истиқомат қиладиган Техас штатида 1871 йилдан кейин жамоат жойида қурол олиб юриш тақиқланганди. Эндиликда бу штат АҚШнинг жамоат жойларида қурол олиб юришга рухсат берилган энг йирик штати бўлиб турибди. Бу қонун тарафдорлари янги тартиб жамоат хавфсизлиги даражасини оширишига ишонч билдиришмоқда.