Яқин Шарқдаги сиёсий етакчилар Саудия Арабистонидаги қатл маросимини қораламоқда

Ироқ, Ливан ва Ямандаги шиа жамоалари Саудия Арабистонида Нимр ан-Нимрнинг қатл қилинишига норозилик билдиришда давом этишмоқда.

2 январь, шанба куни Саудия Арабистони ИИВ ўлимга маҳкум қилинган 47 кишининг қатли ижро этилгани ҳақида хабар берган эди.

Қатл қилинганлар орсида шиалар етакчиси Нимр ан-Нимр ҳам бор эди.

Ироқ парламентидаги энг кўп депутатларга эга бўлган “Ҳуқуқий давлат” блоки вакили Муҳаммад ас-Сайҳуд Alsumaria телеканалига берган интервьюсида қатл ҳақидаги ушбу қарор шиа ва сунний мусулмонлар орасида зиддият чиқариш мақсадида қилингани ҳақилҳда айтиб ўтган.

“Саудия Арабистони қироллик оиласи томонидан амалга оширилган ушбу чора, ҳудудда сунний ва шиа мусулмонлари орасида янги тўқнашувлар келиб чиқишига қаратилган ва минтақадаги ҳозирги можароларга янгисини қўшиш учун қилинган”, деган у телеканалга.

Ливан шиалари кенгаши вице-президенти муфтий Аҳмад Кабалан содир бўлган воқеани, ёмон оқибатларга олиб келувчи диний фалокат ва катта хато деб атаган.

“Нимр ан-Нимрни ўлдириш дин ва миллат учун катта фожиа, одамзод ва маънавиятга қарши содир этилган жиноят. Бу катта хато жавобсиз қолмайди. Биз бу ҳақда кўп марта огоҳлантирган эдик”, деб муфтийнинг сўзларини келтирди Ливаннинг NNA нашри.

"Ал Сауд шанба куни, айбланувчи томонидан бирорта ҳам ҳимоячи қатнашмаган, қалбаки суддан кейин буюк жангчи Нимра ан-Нимрани қатл қилди”, дейилган ҳусийчилар ҳаракатининг расмий ОАВи бўлган “Ал-Масира” телеканалида.

Шу билан бир вақтда хабар тарқатувчилар Саудия Арабистонининг шарқида яшовчи шиаларнинг ушбу ноҳақликка ўз муносабатларини билдиришга чақирмоқда.

Шайх Нимр ан-Нимр Саудия Арабистони ҳукумати томонидан 2012 йилда мамлакат шарқида ўтказилган норозилик намойиши вақтида қўлга олинган эди. 2014 йилда у мамлакатда тарқоқлик, қиролга бўйсунмаслик ва террорчилик ташкилоти тузганликда айбланиб, ўлим жазосига маҳкум қилинган эди.

2014 йилнинг февраль ойида Саудия Арабистони террорчи ва экстремизмга қарши жиноий жавобгарлик учун жазо чораларини сезиларди даражада кучайтирган эди. Қиролликда террорчи деб тан олинган ташкилотлар рўйхати эълон қилинган.