Интернетда Galaxy S7 смартфонининг сенсор панели суратлари пайдо бўлди

Интернетда бўлажак Galaxy S7 смартфонининг эҳтимолий сенсор панели фотосуратлари пайдо бўлди. Диққат билан эътибор бериб қараладиган бўлса, олд камера сенсорга яқин жойда жойлаштирилганига гувоҳбўлиш мумкин. Бундан ташқари, “уй тугмаси”ининг шакли ўзгарганини ҳам пайқаса бўлади. У ингичка ва узунроқ шаклга эга бўлган. Шунингдек, четлардаги рамкалар ҳам кўринмайди.

Бошқа бир манба эса Galaxy S7 Series моделлари ҳақида бошқа бир маълумот тақдим этди. Компания Galaxy S7 стандарт версиясидан ташқари Galaxy S7 Plus, Galaxy S7 Edge ва Galaxy S7 Edge+ моделларини ҳам чиқаришни режалаштирган. Тасдиқлашларича, Galaxy S7 Plus 5,5-дюймли дисплейга эга бўлади. Қолган моделларда эса 5,2-дюймли экран бўлади.

Samsung ушбу янгиликларини февралда бўлиб ўтадиган MWC 2016 кўргазмасида тақдим этишни режалаштирган.