Пушков: Саудия Арабистони ИШИДга қарши эмас, шиаларга қарши курашмоқда

Россия Давлат думасининг халқаро ишлар бўйича қўмитаси раҳбари Алексей Пушковнинг айтишича, Саудия Арабистони шиалар хатиби Нимр ан-Нимрни қатл этиш орқали "аксилшиа коалицияси"ни тузди. Бу ҳақда РИА Новости агентлиги хабар тарқатди.

"Саудия Арабистони бу шов-шувли қатл орқали ИШИДга қарши коалиция эмас, шиаларга қарши коалиция тузмоқчилигини кўрсатди. Фарқни сезиш қийин эмас", дейди у.

Эслатиб ўтамиз, Саудия Арабистони ИИВ 2 январь куни 47 кишига тайинланган олий жазо ижро этилгани, қатл этилганлар орасида шиалар хатиби Нимр ан-Нимр ҳам бўлгани ҳақида эълон қилди.

3 январь куни эронлик намойишчилар Саудия Арабистонининг Теҳрондаги элчихонаси ва Машҳаддаги консуллиги биносига ҳужумлар уюштиришди.

Эрон полицияси бу ҳужумларда иштирок этгани учун 40 нафарга яқин кишини қамоққа олган.