Саудия Арабистони Эрон билан ўзаро авиақатновларни тўхтатади

Саудия Арабистони Ташқи ишлар вазири Одил ал-Жубайр қироллик Эрон билан ўзаро авиақатновларни тўхтатиши ҳақида маълум қилди.

Бироз олдинроқ, Саудия Арабистони ўз фуқароларига Эронга боришни ман қилгани ҳақида хабар берилганди.

Эслатиб ўтамиз, 2 январь куни Саудия Арабистони ҳукумати томонидан 47 киши, шу жумладан, таниқли шиа тарғиботчиси Нимр ан-Нимрнинг қатл этилганини эълон қилди.

3 январь, якшанба куни Саудия Арабистони Эрон билан дипломатик алоқаларни узганлиги билдирилганди.

Мазкур қарорларга Теҳрондаги оммавий тартибсизликлар натижасида Саудия Арабистони элчихонаси вайрон қилингани сабаб бўлган.