Андижондаги “Уз Корам Ко” МЧЖ 20 ёшга тўлди

Ўзбекистондаги биринчи автомобиль 1996 йилнинг 19 июль куни конвейердан чиқди. Бу санадан 2 ой муқаддам эса Андижонда “Уз Корам Ко” МЧЖ юзага келди. Айнан шу корхонада маҳаллий автопром учун бамперлар ишлаб чиқарилиши йўлга қўйилди.

“Уз Корам Ко” автомобиллар учун йирик габаритли пластмассали деталлар ишлаб чиқаришни йўлга қўйган Марказий Осиёдаги биринчи корхона бўлди. Икки термопластавтоматда Nexia, Tico ва Damas русумли автомобиллар учун бамперлар, шунингдек, инструментал панеллар ишлаб чиқариш бошланди.

Ривожланишнинг иккинчи босқичида, 2001 йил кузида корхона бўяш воситалари етказишни йўлга қўйди, унинг ишлаб чиқариш салоҳияти йилига 70 минг автокомплектни ташкил этди. Кейинчалик корхона Matiz учун ҳам бамперлар ва инструментал панеллар ишлаб чиқара бошлади.

“Пластмассали бампер енгил ва юқори тежамкордир, — деди корхона техник департаменти директори Баҳромжон Султонов “Правда Востока” газетасига берган интервьюсида. — Иш жараёнида унга бўлган салбий таъсирни максимал даражада туширишга уринамиз.

Бу ишлаб чиқаришга энг янги экологик хавфсиз технологияларнинг жорий этилиши, табиатни муҳофаза қилиш объектларининг қурилиши, шунингдек, эксплуатациядан чиқарилган қувватларни йўқ қилиш ҳисобига таъминланади”.