Австралияда ховерборд уйнинг ёниб кетишига сабабчи бўлди

Австралиянинг Мельбурн шаҳрида ховерборд ускунаси шахсий уй ичида ёнғин келиб чиқишига сабабчи бўлди. Australian Broadcasting Corporation (ABC) компаниясининг маълум қилишича, мини-сегвей қувватлантириш чоғида олов олган.

Бунинг оқибатида уйнинг бир қисмига жиддий зарар етказилган. Уйда истиқомат қилиб келган оила вақтида чиқиб кетишга улгурган.

Рождество байрамида ота-она 4 қизидан 3 нафарига ховерборд совға қилган. Ёнғин пайтида қизларнинг иккитаси уй ичида бўлган. Қизларнинг ёши 8-14 орасида.

Ўт ўчириш хизмати вакилининг сўзларига қараганда, ускунанинг литий-ионли батареяси 24 соат қувватлантиришга мўлжалланмаган, шу боис айнан улар учқунни келтириб чиқарган бўлиши мумкин.