Bloomberg: Саудия ҳукумати 47 кишини қатл қилиш йўли билан мамлакатда ҳокимиятини мустаҳкамламоқчи бўлди

Халқаро ҳамжамиятнинг кескин эътирозларига сабаб бўлган қатлларни Саудия ҳукумати мамлакат бўйлаб ўз ҳокимиятини кучайтириш мақсадида амалга оширган, деб ҳисоблайди Bloomberg агентлиги.

“Ўнлаб одамларнинг ҳалок бўлишига олиб келган бир қатор ички ҳужумлардан сўнг, нефть нархининг тушиб кетиши оқибатида келиб чиққан иқтисодий қийинчиликлар туфайли, Ямандаги узоқ давом этган уруш сабабидан дунёдаги энг йирик нефть экспортёрининг ҳукмдорлари жамоатчиликка ўзининг террорчиликка нисбатан қатъий позициясини ва ўзгача фикрни қабул қилмаслигини кўрсатиб қўймоқчи бўлган кўринади”, - дейилади материалда.

Пемброк коллежи ходими Тоби Меттисеннинг сўзларига қараганда, қатл асосан ички аудиторияга мўлжалланган акт бўлган эди. Унинг таъкидлашича, қатллар саудияликлар орасида машҳур томоша бўлиб, айни пайтда одамларни бирлаштириш вазифасини ҳам бажаради.

Бундай иш қирол Салмон ибн Абдулазиз ас-Сауднинг мавқеини ошириш учун амалга оширилган бўлиши мумкин, деб ҳисоблайди АҚШнинг Риёддаги собиқ элчиси Роберт Жордан.

“Қирол Абдулла ибн Абдулазиз ас-Сауд тепки босишга журъат этмасди, энди қирол Салмон ўзининг кучли етакчилигини кўрсатмоқчи”, - деди у.