Мадуро Венесуэла иқтисодиёти бўйича фавқулодда режа жорий этилаётганини эълон қилди

Венесуэла президенти Николас Мадуро яқин вақтларда мамлакатда фавқулодда иқтисодий чоралар эълон қилинишини айтди, дея хабар бермоқда AVN Венесуэла ахборот агентлиги.

“Яқин соатларда биз мамлакат иқтисодиётида фавқулодда режани қабул қилиш ва кўриб чиқиш, миллий, минтақавий ва локал миқёсда маҳсулот иқтисодиётини барпо этиш бўйича ҳаракатларни амалга оширамиз”, - деди у.

Унинг сўзларига кўра, ишлаб чиқаришнинг фундаментал кўрсаткичларининг ортиши, маҳсулотларнинг тарқалиши, уларнинг тижорийлашуви ва нархларнинг назорат қилиниши мазкур чоралардан кўзланган мақсад ҳисобланади. Янги режа мамлакат парламентига тақдим этилган. Мадуро мазкур чораларга тақиқ қўймасликка чақирди.