Marca: Зиданнинг "Реал" билан шартномаси 2018 йилгача тузилган

4 январь куни "Реал"нинг янги бош мураббийи сифатида тайинланган Зинедин Зиданнинг жамоа билан шартномаси жорий мавсум якунига қадар эмас, 2,5 йил муддатга тузилган. Бу ҳақда Marca нашри хабар тарқатди.

Хабарда айтилишича, Зиданнинг шартномаси 2018 йилнинг охиригача амал қилади.

Эслатиб ўтамиз, кеча "Реал" жамоаси директорлар кенгаши фавқулодда мажлис ўтказган ва қониқарсиз натижалар қайд этган 55 ёшли мутахассис Рафаэль Бенитесни ишдан бўшатиш ҳақида қарор қабул қилганди. У 2015 йилнинг июнида Карло Анчелотти ўрнига олиб келинганди.

Бенитес бошқарувида "Реал" Испания чемпионатининг 18 туридан кейин 37 очко тўплади ва учинчи ўринда жойлашди. Жамоа охирги турда "Валенсия" билан 2:2 ҳисобида дуранг ўйнаб қўйди.

Зинедин Зидан "Реал" бош мураббийи Рафаэль Бенитеснинг ўрнини эгаллади

Зидан "Реал" бош мураббийи сифатида илк марта мурожаат қилди

Флорентино Перес: Зидан "Реал" бош мураббийи бўлиш учун яхши тайёрланди