Рамон Кальдерон: Зидан яхши натижаларга эриша олмаса, ёзда унинг ўрнига Моуриньо олиб келинишига аминман

"Реал" жамоасининг собиқ президенти Рамон Кальдерон жамоага Зинедин Зиданнинг бош мураббий сифатида тайинланишига муносабатини билдириб ўтди.

"Мен жудаям хоҳлардимки, Зидан ундан талаб қилинадиган барча ишни бажара олсин. Лекин бу жуда қийин иш. Албатта, унда бунинг уддасидан чиқиш учун яхши шароитлар мавжуд, аммо унга тажриба етишмаслиги мумкин. Мен аниқ ишонч билан айтишим мумкинкин, у муваффақиятсизликка учраса, ёзда "Реал"га Жозе Моуриньо қайтади.

Перес эса бор-йўғи муҳандис, проффесионал эмас. У барча учун севимли бўлган Карло Анчелоттини ишдан бўшатди. Футболчилар эса бундан норози бўлишганди.

Энди эса Бенитес ишдан бўшатиб юборилди. У бу қарорини ҳеч ким билан маслаҳатлашмасдан амалга оширди. Жамоада ҳозир шунақа вазият.

Зидан "Реал" билан кўп зафарларга эришган. Футболчилар ва мухлислар унинг келишини хайрихоҳлик билан кутиб олишларини биламан.

Лекин келажакда нима бўлишини вақт кўрсатади. Воқеалар ривожини кузатамиз", дейди Кальдерон.