Яшнободлик эркак ундан қочиб юрган собиқ маъшуқасининг уйига ўт қўйиб юборди

Тошкент шаҳрининг Яшнобод туманида истиқомат қилувчи эркак ундан қочиб юрган собиқ маъшуқасининг уйига ўт қўйиб юборди. Бу ҳақда “Огоҳ” нашри ёзмоқда.

Айтилишича, муқаддам уч марта қамалиб чиққан, 1974 йили туғилган Ботир Усмонов Валентина исмли аёл билан топишиб, у билан бирга яшай бошлаган. Икки йил бирга яшаган ошиқ-маъшуқлар ахийри жанжаллашиб қолиб, Валентина Ботирни уйдан чиқариб юборган ва қўнғироқларига жавоб бермай қолган.

Бир куни Ботир Усмонов маст ҳолда “гаплашиб олиш” учун Валентинанинг уйига келиб, дарвозани тақиллатаверган. У ичиш учун кетган чоғида аёл уйдан қочиб чиқиб кетишга улгурган. Бироздан сўнг қайтиб келган эркак уй томига чиқиб, чордоқдаги эски матрацга сигарета қолдиғини ташлаб чиққан. Секин-аста уйни аланга қоплаган.
Бу қилмиши учун Ботир Усмонов тўртинчи бор судланди.