Эрон ракеталарнинг янги ерости базасини намойиш қилди

Эрон ҳукумати ракеталар ўрнатилган навбатдаги ерости базаси фотосуратларини намойиш этди. Бу ҳақда Tasnim агентлиги хабар тарқатган.

Бу база Ислом инқилоби қўриқчилари корпуси (IRGC) базасида жойлашган.

Суратлар орқали объектга Эрон парламенти спикери Али Ларижоний ташриф буюрганини кўриш мумкин.

Бундан ташқари, суратларда узоқ масофага учишга мўлжалланган Emad баллистик ракеталарини кўриш мумкин. Ракета 2015 йилнинг октябрида муваффақиятли равишда синовдан ўтказилганди. Агентликнинг маълум қилишича, бу баллистик ракета нишонга бориб етгунича операторлар назоратида бўлувчи янги авлод ракетаси ҳисобланади.

Эрон илк марта 2015 йилнинг октябрида 500 м чуқурликдаги ер ости ракета базасини намойиш қилганди.

Эрон АҚШнинг эҳтимолий санкцияларига жавобан 5000 км дан узоқроққа учадиган ракета яратади