Меркель Кёльнда аёлларга уюштирилган ҳужумга “қаттиқ жавоб” қайтаришни талаб қилди

Германия канцлери Ангела Меркель Кёльнда Янги йил кечасида вокзал майдонида аёл кишига уюштирилган ҳужум учун “қаттиқ жавоб” қайтаришни талаб қилди. Шу вақтга қадар араб ва шимолий африкаликлар қиёфасидаги эркаклар томонидан тазъйиқ уюштирилгани тўғрисида 90 нафар аёл шикоят қилди, дея хабар бермоқда Deutsche Welle.

Жабрланганларнинг тасдиқлашларича, эркаклар уларга ҳужум қилиб, таҳдид қилган, талончилик уюштирган, тажовузкорона шаклда тегажоғлик ҳам қилишган.

Кёльн обер-бургомистри Хенриеттой Рекер билан суҳбат чоғида Меркель келиб чиқишидан қатъи назар, жиноятчиларни топиш бўйича барча имкониятлардан фойдаланишни талаб қилди.

Канцлер “жирканч ҳужумлар ва жинсий тегажоғликлар”га нисбатан ўз хавотирини билдириб ўтар экан, ҳуқуқий давлатнинг қаттиқ реакцияси”ни талаб қилди.Ўз навбатида, Рекер Меркельни инқироз гуруҳи мажлиси натижаларидан огоҳлантирди. Унда шаҳар ҳокимияти аёлларга оммавий ҳужумлардан огоҳлантириш чораларини муҳокама қилишган.