Туркия соҳилларида топилган чўкиб ҳалок бўлган қочқинлар сони 34 нафарга етди

Туркиянинг Эгей денгизига туташ соҳил қисмида қирғоқ мудофааси хизмати ходималари чўкиб ҳалок бўлган 34 нафар қочқиннинг жасадини аниқлашган. Бу ҳақда Hurriyet Daily News нашри хабар берди.

Нашрнинг аниқлик киритишича, Беҳили туманидаги соҳилда 24 кишининг, Дикили тумани соҳилида эса яна 10 кишининг жасади топилган.

Ҳукумат вакилларининг тахмин қилишича, қочқинлар қайиғи Грецияга ўтиш вақтида тўфонга дуч келиб, ҳалокатга учраган ва кейинчалик жасадлар қирғоққа чиқиб қолган.

Айни вақтда қидирув ишлари олиб борилмоқда, қурбонлар сони бундан ҳам кўп бўлгани тахмин қилинмоқда.

Бундан олдинроқ, Туркия соҳилларидан чўкиб ҳалок бўлган ўнлаб қочқинларнинг жасадлари топилгани тўғрисида хабар берилганди.