Трамп ва актёр Сэмуэл Жексон гольф ўйинида бир-бирларини фирибгарликда айблашди

Миллиардер Дональд Трамп ва голливудлик актёр Сэмюэл Жексон гольф ўйнашда бир-бирларини фирибгарликда айблашди, деб ёзмоқда Washington Post нашри.

Жексон Rhapsody журналига берган интервьюсида Трамп билан гольф ўйнагани ва ўзини Трампдан кўра яхшироқ гольфчи деб ҳисоблашини айтган. Жексоннинг айтишича, у ўйин пайтида “фириб ишлатмайди”. Актёрнинг айтишича, бу айблов Трампнинг унга нисбатан билдирган биринчи айблови эмас.

Трамп ўз твиттерида Жексон билан гольф ўйнамагани ва у билан шахсан танишмаслигини айтган. Сиёсатчи бу актёрнинг мухлиси эмаслиги ва уни жуда кўп рекламада суратга тушади, деб ҳисоблашини қўшимча қилган.

“Мен гольфда фирибгарлик қилмайман, бироқ Сэмюэл Жексон ўзининг бу услубдаги ўйини билан фирибгарлик қилади”, деб айтди Трамп.

Трамп Жексоннинг гольфчиларга хос бўлмаган зарба беришини ёқтирмаслигини, ўзи эса бу спорт тури бўйича ўтказилган кўплаб хайрия чемпионатларида ғолиб бўлганини айтиб ўтди.