АҚШда Ироқнинг икки фуқароси террорчиликда гумонланиб қўлга олинди

АҚШнинг Сакраменто ва Ҳьюстон шаҳарларида халқаро террорчи ташкилотларга алоқадорликда айбланиб, Ироқ фуқаролигига эга бўлган икки фаластинлик ҳибсга олинган. Бу ҳақда Рейтер агентлиги хабар берган.

Суд ҳужжатларига кўра, улардан бири 2009 йилда, иккинчиси 2012 йилда Суриядан қочқин мақомида АҚШ ҳудудига киришган. Аниқланишича, улар бир-бирларини яхши танишган.

Сакраментода қўлга олинган 23 ёшли Авс Муҳаммад Юнус ал-Жаяб Суриядаги ҳарбий ҳаракатларда иштирок этганлик ва ҳукуматга ёлғон маълумотлар тарқатганликда гумон қилинмоқда.

Ҳьюстонда қўлга тушган Умар Фараж Саид ал-Ҳардон эса ИШИДдан моддий кўмак олиб турган ва у ҳам ал-Жаяб каби АҚШ ҳукуматини алдаган.

Ал-Ҳардонга ИШИД ёлловчиси сифатида 20 йиллик қамоқ жазоси таҳдид солмоқда.