Кубада маймун кўринишидаги чўчқача туғилди

Кубада Янги йилнинг дастлабки кунларида маймунбашара чўчқача туғилган.

Чўчқахонанинг эгаси Хиралдо Суарес кўриниши ўзгача бу мутант-жонивор ҳақида хабар топган вақтидаёқ уни кўрсатиш учун шу заҳоти одамлар олдига олиб чиққан ва одамларга уни суратга тушириш учун рухсат берган.

"Кубада бунга ўхшаш ҳолатлар, хунук чўчқачаларнинг дунёга келиши ҳолатлари олдин ҳам кузатилган, бундай мутантлар қариндош чўчқалардан туғилади. Лекин илк марта маймунюзли чўчқачанинг туғилганини кўриб турибмиз", деган маҳаллий ветеринарлардан бири Рафаэль Аграмонте Мартинес.

Кўзи кўр, бурунсиз ва жуда хунук кўринишда туғилган бу чўчқача бу каби камчиликлари билан узоқ яшай олмаган ва орадан тўрт кун ўтиб, унинг жони узилган.