Нью-Йоркдаги ресторан мижозларига 100 доллар эвазига олтинли кулчалар таклиф қилмоқда

Нью-Йоркнинг Бруклин туманидаги ресторанлардан бири ўз мижозларига 24 карат, 999 пробали олтин қиёми билан қопланган пончик – ёғда қовурилган кулчаларни таклиф этмоқда.

Мазкур таомни 280 долларча турадиган “Кристал” шампани билан тановвул қилиш мумкин, дея хабар бермоқда “Комсомольская правда”.

“Олтин” таом тайёрлаш ғояси ресторан эгасининг хаёлига ўтган йилда келган. Аввалига ходимларини ўз ҳисобида пончиклар билан сийлаб кўрди.

Ширинлик барчага маъқул келганидан сўнг уни мижозларга ҳам таклиф эта бошлашди. Унинг нархи 100 доллар бўлса ҳам, ресторан хўжайинининг айтишича, уни бир неча доналаб сотиб олишмоқда. Бироқ бундай шаклдаги олтин инсон организмида ҳазм бўлмайди.