Хитойда бульдозер касалхонани ичидаги одамлари билан бирга вайрон қилди

Хитойнинг Чжэнчжоу шаҳрида бульдозер касалхона ва унга ёндош ўликхонанинг бир қисмини вайрон қилди.

Воқеа оқибатида касалхонанинг бир неча ходими жабр кўрди, 20 млн юанлик (3 млн доллардан кўпроқ) асбоб-ускуналар шикастланди. Бундан ташқари, вайроналар тагида ўликхонадаги 6 та жасад ҳам қолиб кетди.

Таъкидланишича, маҳаллий ҳокимият касалхона ҳудуди ҳисобига унинг ёнидан ўтувчи йўлни кенгайтирмоқчи бўлган ва уни бир йил аввалоқ бузишни режалаштирган. Касалхонанинг бир қисм бўлимлари янги жойга кўчиб ўтган, бироқ баъзилари ишлашда давом этган. Касалхонада ишлаётган ходимлар бинонинг бузилиши ҳақида огоҳлантириш олишмаган.

Маҳаллий ҳокимият вакилларининг таъкидлашича, касалхона ходимлари бузиш ҳақида огоҳлантириш олишган. Бундан ташқари, уларнинг айтишича, ишчилар касалхонани бузишдан аввал уни кўздан кечириб чиқишган.