Яя Туре: Обамеянг Африканинг йил ўйинчиси бўлиши Африка учун шармандаликдир

Кот-д′Ивуар термаси ва «Манчестер Сити» жамоаси ҳужумчиси Яя Туре Африка қитъасининг энг яхшиларини тақдирлаш маросимидан кейин қаттиқ ранжиганини яшириб ўтирмади.

У бу соврин "Боруссия"нинг 26 ёшли габонлик футболчиси Пьер-Эмерик Обамеянгга топширилганини адолатсиз деб ҳисобламоқда.

32 ёшли футболчи ўзининг терма жамоа билан Африка Кубоги ўйинларида ғалаба қилганини эслатиб, бу ҳисобга олинмаганига ишора қилган.

"Мен жуда ҳам хафаман. Норозилигимнинг сабаби шундаки, Африка ўз мукофотини Африкадаги ўйинлар учун эмас, қитъадан ташқаридаги, қитъа учун аҳамиятсиз ўйинлар учун берди. Овоз берувчилар учун бу ҳақиқий шармандаликдир. Биз африкаликлармиз, лекин биз Африка биз учун биринчи даражада эмаслигини кўрсатиб қўйдик. Бу жуда қайғули", дейди у RFI радиоси орқали.

"Таққослаб кўрайлик. Месси 2014 йилда барча совринларни қўлга киритди. Лекин "Олтин тўп"ни терма жамоаси билан Европада муваффақиятли ўйинлар кўрсатган Роналду олди. Африкага бу ўрнак бўлиши керак.

Мен Европага қайтганимда тақдимот ҳақида саволлар беришади. Мен бундай саволларга рўй-рост жавоб бераман", дейди у.

Эслатиб ўтамиз, Яя Туре 2015 йилда Кот-д′Ивуар терма жамоаси билан Африка Кубоги учун турнир финалида Гана терма жамоасини енгиб, чемпион бўлганди. Обамеянг эса ўз терма жамоаси Габон билан биринчи босқичдаёқ турнирни тарк этганди.

Африка футболининг 2015 йилдаги энг яхшилари номи эълон қилинди