Журналист: Самарқандда Канадага Green Card очилгани ҳақидаги мишмишлар ҳақиқатга мос келмайди

Самарқанд вилоятида Канадага кетиш учун ҳам Green Card ўйнаш имконияти очилгани ҳақида мишмишлар тарқаган эди. Мазкур масалани маҳаллий журналист Тошпўлат Раҳматуллаев текшириб кўрди.

Яқинда Ургут туманидан танишим қўнғироқ қилиб, Канадага Грин Кард олиш учун 50 минг сўмга ҳужжат расмийлаштирадиган фирма ҳақида маълумот топиб беришни сўради. Унинг айтишича, фирма Самарқандда, Панжакент кўчаси, 27-мактаб қаршисида жойлашган экан”, - деб ёзади журналист.

Аниқланишича, бу хусусий корхона бўлиб, Канада ишчи визасини олиш учун ҳужжатлар тайёрлаш билан шуғулланиб келган. Шу билан бирга, бундай визани олиш учун канадалик иш берувчининг таклифномаси кераклиги яхши маълум. Яъни, бу борада Green Card’га ўхшаган тизим ишламайди.

Журналист таклифноманинг кераклигидан фуқароларни огоҳлантирмай, пул эвазига уларга хизмат кўрсатаётган корхонанинг асл мақсадларини шубҳа остига олди.

“Ургут бозорининг савдо ишчиси Канадада ишлаш таклифномасини қандай олади? Бу ҳужжатсиз хусусий корхона ҳужжатларни қандай расмийлаштиради? Агар ҳар бир кишидан 50 минг сўмдан олинса, 1000 ёки 2000 киши яхшигина пул тўлайди. Шундай эмасми?”, - хулоса қилди журналист.