Ўзбекистон ОТБдан кичик бизнесни ривожлантириш учун 100 млн доллар кредит олмоқчи

Ўзбекистон 2016 йилда Осиё тараққиёт банкидан кичик ва хусусий тадбиркорликни ривожлантириш учун йўналтириш мақсадида 100 млн доллар миқдорида кредит олишни режалаштирган.

Қайд этилишича, бу кредит "Кичик бизнес ва хусусий тадбиркорликни ривожлантириш бўйича иккинчи лойиҳа" доирасида сўралади.

ОТБ сайтида маълум қилинишича, Ўзбекистоннинг бу борадаги аризаси 2016 йилнинг июлида кўриб чиқилади.

Бу лойиҳа доирасида аёлларнинг молиявий соҳадаги ўрнини кенгайтириш назарда тутилган.

ОТБ маълумотига кўра, 2014 йилда кичик бизнесга кичик бизнес учун 9,1 трлн сўм (3,4 млрд доллар) кредит олинган. Бу Ўзбекистон ЯИМининг 6,3 фоизини ташкил этади. Шундан 1,5 трлн сўмлик қисми микрокредитлар сифатида берилган.