Қуввати 10 кВтдан ортиқ истеъмолчи объектларининг энергия таъминоти лойиҳаларини келишиш учун электрон ариза тақдим этиш мумкин

Ўзбекистон Республикаси Электр энергетикада назорат боʻйича Давлат инспекциясининг янги хизмати истеъмолчиларга электрон равишда хулоса шаклидаги келишувни олиш ва аризачи лойиҳасида назарда тутилган объектда қурилиш-монтаж ишларини амалга ошириш имкониятини беради. Бу ҳақда Ягона интерактив Давлат хизматлари портали Kun.uz`га хабар қилди.

Хизмат юридик ва жисмоний шахсларга кўрсатилади. Бунинг учун қуйидаги ҳужжатларнинг электрон нусхасини тақдим этиш талаб қилинади:энергия таъминоти лойиҳаси;

энергия таъминоти лойиҳасини ишлаб чиқиш учун асос бўлган техник шартлар нусхалари (агар мавжуд бўлса техник шартларга ўзгартириш ва қўшимчалар);

ташқи энергия таъминоти лойиҳаси техник шартларни берган ташкилот билан келишилганлиги тўғрисидаги хулоса. Хизмат бепул.