Медведев иқтисодий вазиятнинг ёмонлашишига тайёрланишни маслаҳат берди

Россия бош вазири Дмитрий Медведев нефть нархлари тушиб борган тақдирда иқтисодий вазият сценарийси фақат салбий томонга ўзгариб боришига тайёргарлик кўришни маслаҳат берди. Бу ҳақда у VII Гайдар номидаги форумда қилган чиқиши чоғида айтиб ўтди.

“Тўпланган захиралар жорий йил бюджетини балансга солиш имконини берди. Лекин нефть нархлари яна тушиб борса, бюджет параметрларини аниқлаштиришга тўғри келади. Шуни тушуниш керакки, энг ёмон сценарийга тайёр туришимиз лозим”, - таъкидлади у.

Медведев айни пайтда бюджет оптимизациясининг энг самарадор усулини танлаш талаб этилишини таъкидлаб ўтди.