Россияда евро курси 2014 йилнинг декабридан буён илк марта 85 рублдан ошди

Доллар ва евро яна бир бор Москва биржасида Россия рублига нисбатан 2014 йил декабрь ойидан буён энг максимал кўрсаткични қайд этди.

РИА Новости берган маълумотга кўра, Москва вақти билан соат 16:45да 1 АҚШ доллари 1,77 рублга ўсиб 77,82 рублни ташкил қилмоқда.

Евро эса 2,46 рублга ўсиб, 85,076 рубль қийматни ташкил қилмоқда. Бунга дунё бозорларида нефть нархи тушиб кетиши сабаб бўлган.