Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 22:29 / 16.01.2016
    3718
    2 дақиқада ўқилади

    Эрон АҚШ ва Эрон фуқаролигига эга 4 нафар маҳбусни озод этди

    Эронда икки давлат фуқаролигига эга 4 нафар маҳбус озод этилди, деб хабар бермоқда IRNA агентлиги.

    Прокурор Аббос Жаъфарийнинг агентликка маълум қилишича, барча маҳбуслар АҚШ ва Эрон фуқаролигига эга бўлган. Жаъфарийнинг айтишича, маҳбуслар АҚШда жазо ўтаётган 7 нафар эронлик маҳбусга алмаштирилади.

    Бундан ташқари, келишув шартларига кўра, АҚШ ҳукумати АҚШдан Эронга қурол-аслаҳа етказиб беришда гумон қилинаётган 14 нафар эронлик экстрадициясини давом эттира олмайди.

    АҚШ ҳибсда ушлаб турилган ўз фуқароларининг озод этилиши талаби билан Эронга 2014 йил декабрида мурожаат қилган.

    16 январда Эрон томонидан ядровий келишув шартларининг бажарилиши бўйича МАГАТЭ ҳисоботи чоп этилиши режалаштирилган. Эрон ташқи ишлар вазири Муҳаммад Жавад Зарифнинг фикрича, Эрондан санкциялар 16 январдан бекор қилинади.

    Санкциялар бекор қилингандан кейин Эрон хориждаги ҳисоб рақамларидаги, АҚШ молия вазирлигининг баҳолашича, 50 млрд долларлик музлатилган маблағларига рухсат олади. Эрон, шунингдек, нефть экспортини кунига 500 минг баррелга кўпайтириши мумкин, бу эса нефть бозорида таклифнинг янада кўпайишига олиб келади.