Венесуэладаги инфляция даражаси 141,5 фоизни ташкил этмоқда

2014 йилнинг сентябридан 2015 йилнинг сентябригача Венесуэлада инфляция 141,5 фоизни ташкил этган. Бу ҳақда RNS хабар берган.

Венесуэла марказий банки маълумотига кўра, мамлакатда 2015 йилнинг учинчи чораги натижаларига кўра ЯИМ кўрсаткичлари 1 йил олдинги кўрсаткичларга нисбатан 7,1 фоизга паст бўлди.

Бундан олдинроқ, Венесуэлада 60 кунлик фавқулодда иқтисодий ҳолат эълон қилингани ҳақида хабар берилганди.

Айни вақтда Венесуэлада маҳсулотлар тақчиллиги, юқори инфляция ва давлат даромадларининг кескин қисқариши, нефть нархлари пасайиши ҳамда мухолифатнинг парламентни бошқара бошлаши билан боғлиқ ҳолда бошқарув органларидаги инқироз бошлангани туфайли оғир вазият ҳукм сурмоқда.

Bloomberg: 2016 йилнинг энг ёмон иқтисодиёти Венесуэла бўлади

Мадуро Венесуэла иқтисодиёти бўйича фавқулодда режа жорий этилаётганини эълон қилди

Венесуэлада 60 кунлик фавқулодда иқтисодий ҳолат эълон қилинди