Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Технология | 21:54 / 18.01.2016
    3455
    2 дақиқада ўқилади

    Fiat компанияси Audi’га Q2 ва Q4 номларини ишлатишга рухсат берди

    Audi компанияси Fiat Chrysler Automobiles альянси билан янги кроссоверлар учун Q2 ва Q4 номларини бериш борасида келишиб олди. Бу ҳақда Audi бошлиғи Руперт Штадлер маълум қилди, деб хабар бермоқда Carscoops нашри.

    Аввалроқ Fiat Chrysler компанияси Q2 номини Alfa Romeo 147 ва 159 моделларида ўзи блокланувчи Torsen дифференциалларига эга версияларни, Q4 номини эса Maserati ва Alfa Romeo маркалари моделларидаги тўлиқ приводли тизимни белгилаш учун ишлатган.

    Тахминларча, эндиликда Q2 номини Audi’нинг янги ихчам кроссовери олади. Янги автомобиль Volkswagen компаниясининг MQB платформасида қурилади ва A1 хэтчбеки двигатели билан жиҳозланади. Ушбу йўлтанламас баҳорда Женевадаги автосалонда намойиш қилиниши кутилмоқда.

    Audi Q4 модели эса кейинги авлод Q3 кроссоверининг купе кўринишидаги версияси бўлади. Бу модель қачон пайдо бўлиши ҳозирча номаълум. Car нашрининг тахминича, бу модель Q3 ва Q5 моделлари ўртасидаги жойни эгаллайди.