Олланд Францияда фавқулодда иқтисодий ҳолат жорий қилди

Францияда президент Франсуа Олланднинг фармонига биноан фавқулодда иқтисодий ҳолат жорий қилди, деб хабар бермоқда АР агентлиги.

Унинг тушунтиришича, шу кунларда мамлакатнинг иқтисодий ва ижтимоий модели қайта кўриб чиқилади.

Франсуа Олланд бизнес етакчиларга йўлланган йиллик мурожаатда бугунги кунда таклиф қилинаётган бир қатор иқтисодий чора-тадбирларни ошкор қилди.

Улар иқтисодиётни стагнациядан олиб чиқиб, ишсизликни қисқартиришга йўналтирилган.
Шунингдек, Олландга алоҳида ваколатлар берилиши ёки 35 соатлик иш ҳафтаси борасидаги таклифлар кўриб чиқилмаслиги таъкидланди.