Ўзбекистонда банк тизими капиталининг етарлилик даражаси 23,3 фоизни ташкил этди

2016 йилнинг 1 январь ҳолатига кўра, Ўзбекистон банкларининг умумий капитали 7,8 трлн сўмга баҳоланди. Бу ҳақда Марказий банкнинг банк тизимининг 2015 йилдаги фаолиятига бағишланган кенгайтирилган йиғилишда маълум қилинди.

UzDaily.uz хабарида келтирилишича, бугунги кундаги банк тизими капиталининг етарлилик даражаси 23,3 фоизни ташкил этиб, банк назорати бўйича Базель қўмитаси белгилаган талаблардан 3 баробар (8 фоиз) кўп демакдир.

Банк активларининг тезда пулга айланиб қувватлилиги 64,6 фоизга етиб, бу жаҳон амалиётида қабул қилинган меъёрдан икки баробар кўпдир.Ўзбекистон банкларининг жами активлари эса ўтган йилда 25,1 фоизга ортиб, 65,2 трлн сўмдан кўпроққа етди.

Ҳисобот йилида иқтисодиётнинг реал секторига йўналтирилган кредитлар миқдори ўтган йилган қараганда 27,3 фоизга кўпайиб, 2016 йилнинг 1 январь ҳолатида 42,7 трлн сўмни ташкил этди. инвестицион мақсадларга ажратилган кредитлар эса 1,2 баробарга кўпайиб, 10,2 трлн сўмга етди.