Қувасойда фуқародан 500 доллар пора талаб қилган нотариус ва кадастр ходими қўлга олинди

Фарғона вилоятининг Қувасой туманида фуқародан 500 доллар пора талаб қилган нотариус ва кадастр ходими қўлга олинди. Бу ҳақда “Ҳуқуқ” нашри хабар бермоқда.

Айтилишича, Салима исмли аёл уйини сотиш учун нотариусга мурожаат қилган. Бунинг учун уйнинг кадастр ҳужжатлари ҳамда коммунал хизмат идораларидан маълумотномалар талаб қилинарди. Аммо ҳужжатларда муаммолар борлиги туфайли аёл узоқ вақт ишини битира олмаган.

Шунда нотариал идорада расман ишламайдиган, аммо мижозларга маслаҳат бериш билан шуғулланадиган Манзура Комилова унга “Ермулккадастр” корхонаси ходими Маҳбубахон Султоновага учрашини айтган.

Султонова, ўз навбатида, Салимадан ҳужжатларни тўғирлаб бериш учун 500 доллар беришни талаб қилган. Аммо ногирон фарзандининг ёлғиз қаровчиси бўлган аёлда бунча пул йўқ эди; у тегишли идораларга қилган.

Султонова мижоздан 300 доллар олиш пайтида қўлга олинган. Ҳуқуқ-тартибот идоралари ходимлари, шунингдек, Манзура Комиловани ҳам қўлга олган.