Шимолий Дакотада нефть нархи нолдан пастга тушиб кетди

Шимолий Дакота штатида нефть қайти ишлаш билан шуғулланадиган Flint Hills Resources компанияси етказиб берувчиларга юқори сифатли нефтнинг ҳар бир баррели учун 50 цент устама тўлашга қарор қилди. Бу ҳақда Bloomberg агентлиги хабар бермоқда. Ўтган йили бундай нефтнинг бир бочкаси 13.5 доллар, 2014 йилда эса 47.6 доллар турарди.

Нефтнинг конкрет навини қайта ишлаш ва етказиш учун техник қувват етишмовчилиги минус нархда ишлашга мажбур қилмоқда, дейилади хабарномада. Бундай навли нефтни хом ашёдан нефть маҳсулотига айлантириш учун қиммат техника талаб қилинади.

Шу билан бирга, таҳлилчиларнинг фикрича, минус нархлар Шимолий Америка нефть бозоридаги вазиятнинг мураккаблигини кўрсатиб беради. Масалан, Канада битумининг нархи 8.35 долларни ташкил қилмоқда, ваҳоланки, бир йил олдин у 80 долларга сотилаётган эди.