«Ювентус» А серияда қаторасига 10та ўйинда ғалаба қайд этиб, иккинчи ўринга чиқиб олди

А серияда 17 январь куни 20 тур учрашувлари давом эттирилди.

Туриннинг "Ювентус" жамоаси "Удинезе" майдонига сафар қилди ва 4:0 ҳисобидаги ғалаба билан қайтди.

Ўйинда аргентиналик ёш ҳужумчи Паоло Дибала 2та гол уриб, Сами Хедира ва Алекс Сандрога 2 марта голли пас етказиб берди.

Бу ғалаба "кўҳна синьоралар"нинг А сериядаги қаторасига ўнинчи ўйиндаги ғалабаси бўлди.

"Ювентус" охирги марта 2015 йилнинг 28 октябрида мағлуб бўлганди. Ўшанда Массимиллиано Аллегри шогирдлари "Сассуоло"га 0:1 ҳисобида ютқазганди.

Шундан кейин жамоа қуйидаги жамоаларни енгди: «Торино» (2:1), «Эмполи» (3:1), «Милан» (1:0), «Палермо» (3:0), «Лацио» (2:0), «Фиорентина» (3:1), «Карпи» (3:2), «Верона» (3:0), «Сампдория» (2:1) ва «Удинезе» (4:0).

Удинезе – Ювентус 0:4

Голлар: 0:1 – 15 Дибала, 0:2 – 18 Хедира, 0:3 – 26, пенальти Дибала, 0:4 – 42 Алекс Сандро.

Удинезе – Карнезис, Ларангейра, Фелипе, Видмер, Ваге (Эрто, 55), Агеманг-Баду, Эденилсон, Итурра, Лоди, Терео (Фернандеш, 70), Ди Натале (Сапата, 60).

Ювентус – Буффон, Бонуччи, Кьеллини (Касерес, 58), Алекс Сандро, Ругани, Асамоа, Хедира, Маркизио, Лихтштайнер (Падоин, 80), Дибала (Мората, 66), Манжукич.

Огоҳлантиришлар: Кьеллини (11), Агеманг-Баду (13).

Четлатиш: Ларангейра (25).