Дональд Трамп ўзини христианлар ҳимоячиси сифатида эълон қилди

АҚШ президентлиги учун номзод бўлган Дональд Трамп душанба куни, таъқиб қилинаётган христианларни ҳимоя қилиши ҳақида эълон қилди.

«Биз насронийликни ҳимоя қиламиз. Агар сиз насроний бўлсангиз дунёда бўлаётган воқеаларга, Сурияда бўлаётган воқеаларга эътибор қаратинг. Улар одамларни бошидан жудо қилишмоқда», — дея баёнот берган Трамп.

«Турли хил жойларга боқинг: насронийлик у ерларда қамал остида қолмоқда», — дея қўшимча қилган 69 ёшли миллиардер.

Трамп ўз чиқишида ўзининг протестант эканини ҳам эслаб ўтди. «Мен протестантман ва бундан жуда жуда фахрланаман», — деди у.