Оскар билан боғлиқ жанжал туфайли АҚШ киноакадемияси таркиби ўзгаради

Оскар билан боғлиқ жанжал туфайли АҚШ киноакадемияси таркиби ўзгаради. Бу ҳақда киноакадемияси президенти Шерил Бун Айзекс айтиб ўтди, деб хабар беради NBCNightlyNews нашри Twitter’даги микроблоги орқали.

Илгарироқ бир қанча машҳур шахслар Оскар мукофоти топширилишининг бу йилги маросимига бойкот эълон қилиш ниятини билдирди, негаки номзодлар орасида афроамерикаликлар йўқ эди. Бу ҳақда актриса, Уилл Смитнинг рафиқаси Жада Пинкетт-Смит ҳамда режиссёр Спайк Ли баёнот беришди.

Айзекс бу йилги номзодлар ажойиб ишлаганини таъкидлаб ўтиб, шу билан бирга, катта ўзгаришлар пайт келганлигини тан олди. Унинг сўзларига қараганда, киноакадемия таркибини ўзгартириб, хилма-хиллик жорий этиш учун радикал чоралар кўрилади.