Япония 40 йиллик танаффусдан кейин АҚШдан яна нефть сотиб олишни бошлади

Япония қарийб 40 йиллик танаффусдан сўнг, 2015 йил декабрида АҚШда хорижга нефть экспорт қилишга тақиқлов бекор қилингандан кейин АҚШдан яна нефть сотиб олишни бошлади.

Техас нефти, шу жумладан сланецли нефтнинг 300 минг баррелга яқин биринчи партияси Япониянинг йирик нефть сотувчи компанияси Cosmo Energy Holdings томонидан сотиб олинди, дб хабар бермоқда Токио ОАВлари. Бу нефтнинг катта қисмидан бензин олинади.

АҚШ 1970-йиллардан энергетик хавфсизлик нуқтаи назаридан ўз нефтини экспорт қилишдан бош тортган.Бироқ ушбу тақиқлов АҚШ ичида нефть ишлаб чиқариш ҳажми кескин ўсгани сабабли ушбу соҳада фаолият юритувчи компаниялар босими остида бекор қилинди.

Япония 2015 йилнинг декабридаёқ АҚШ нефти импортини кўпайтириш ва Яқин Шарқдан катта даражада боғлиқликни камайтириш истагида эканлигини билдирганди.

Ҳозирда Японияга Саудия Арабистони энг кўп миқдорда, яъни Япония томонидан сотиб олинадиган 34 фоиз нефтни етказиб беради. Япония кунига 4,3 млн баррел нефть сотиб олади. Мамлакатда 2000-йиллар бошидан нефть ишлатилиши ҳажми энергия тежашнинг самарали технологияларининг жорий қилиниши сабабли 20 фоизга қисқарган.