GM 2016 йилда Россия бозорига Chevrolet Corvette Z06 автомобилини олиб кирмоқчи

Американинг General Motors (GM) автоконцерни жорий йилда Россияга Chevrolet Camaro моделининг янгиланган талқини Chevrolet Corvette Z06 етказиб бермоқчи. Бу ҳақда «Газете.Ru» нашри GM матбуот хизматига таяниб хабар тарқатди.

Унга кўра, Россияга 2015 йилнинг 31 декабридан бошлаб Opel`нинг барча ва Chevrolet`нинг учта моделидан қолган ҳаммаси киритилиши тўхтатилган.

Россияда 2015 йилда бозорга чиқарилган Escalade модели яхши сотилган. Шунингдек, Chevrolet Tahoe ва Cadillac CTS ҳам бозори чаққон автомобиллардан бўлган.

«Ҳозирда биз SRX моделининг қолган қисмини сотишимиз, кейин эса унинг ўрнига Cadillac XT5 янги кроссоверини олиб келишни режалаштирганмиз. Шунингдек, Россияга Camaro`нинг янгиланган варианти Corvette Z06ни олиб кирмоқчимиз. Шунингдек Cadillac CT6 седанини ҳам сотиш режалаштирилган», — дейди компания матбуот хизмати раҳбари.