Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жамият | 09:34 / 21.01.2016
    3935
    2 дақиқада ўқилади

    Apple эски Samsung смартфонлари савдосини чеклашга муваффақ бўлди

    Калифорниянинг Сан-Хосе шаҳри федерал суди Samsung`га АҚШ ҳудудида 9та Galaxy-смартфонларини сотишни тўхтатиш тўғрисида ҳукм чиқарди. Бу ерда гап тўрт йил муқаддам муомага чиқарилган Samsung Admire, Galaxy Nexus, Galaxy Note, Galaxy Note II, Galaxy S II, Galaxy S II Epic 4G Touch, Galaxy S II Skyrocket, Galaxy S III ва Stratosphere смартфонлари тўғрисида кетмоқда.

    Юқоридаги моделлар 2011–2012 ишлаб чиқарилган ва бугунги кунда эскилиги боис пештахталардан топиш деярли имконсиз. Суд қарори Samsung`нинг замонавий ускуналарига тааллуқли эмас.

    Шунингдек, округ суди Люси Ко қарорига кўра, Samsung Apple`га тегишли бўлган учта патент ҳуқуқини бузган. Улар: электрон мактубда мавжуд бўлган телефон рақамини ажратиб кўрсатиш, ёзиш жараёнида автоматик хато тўғирлаш ва экранни бармоқ ҳаракати билан блокдан чиқариш (slide to unlock).

    Таъкидланишича, Apple ўзининг асосий рақибидан рамзий маънода устунликка эришган бўлса-да, мазкур суд қарори келгусидаги тортишувларга ҳам дастак бўлиши мумкин.