Financial Times’нинг собиқ хўжайини 4 минг нафар ходимини қисқартиради

The Financial Times газетасига яқингача эгалик қилиб келган Pearson матбаа уйи 4 минг нафар ходимини ишдан бўшатади, деб хабар беради FT.

Британияда фаолият юритувчи компания 2016 йил ўрталарига қадар ходимларининг 10 фоизини қисқартирмоқчи.

2016 йилда компаниянинг бир акциядан даромади 0,5–0,55 фунт стерлингни ташкил қилади. Bloomberg таҳлилчилари эса кўрсаткич 0,63 фунт стерлингга тенг бўлишини тахмни қилишган эди.

2015 йили Pearson Financial Times газетаси ва The Economist журналидаги улушини сотиб юбориб, таълим бизнесига асосий урғу берилишини маълум қилган эди.