Қўшимча функционаллар
-
Тунги кўриниш
Месси: Бир кун келиб Неймар ўз «Олтин тўп»ини қўлга киритади, мен эса бу совринга ўч эмасман
«Барселона» ҳужумчиси Лионель Мессининг фикрича, «Олтин тўп»нинг кейинги эгаси Неймар.
2015 йил якунлари бўйича соврин Мессига насиб қилди. Финал учлигидан Криштиану Роналду («Реал») ва Неймар («Барселона») ҳам ўрин олишганди.
«Мен бу йилда ўтган йиллардагидан яхшироқ ўйнадим. 2013 ва 2014 йиллларда жароҳатлар туфайли ўзимни истаганимдек кўрсата олмагандим. Лекин мен энди юқори формадаман. Шу билан биргаликда, бу мукофотни қўлга киритишимда Неймар ва Суареснинг хизматлари катта бўлганини айтиб ўтишим керак. Биз майдонда бир-биримизни кўзни юмган ҳолда тушуна оламиз. Ечиниш хонасидаги ва ҳаётдаги муносабатларимиз эса ундан ҳам аъло.
Неймар келажакда «Олтин тўп»ни қўлга киритади, деб ҳисоблайман. Бунинг учун унда керакли бўлган барча хислатлар бор. У ақлбовар қилмас даражадаги футболчи. У тезкор футболчи. Неймар юқори техникага эга ва яккама-якка вазиятда ажойиб ҳаракат қилади», — дейди Месси.
У шунингдек, Криштиану Роналду билан муноасабатлари ҳақидаги саволларга жавоб бериб, у билан майдонда рақиблигини, ҳаётдаги муноасабатлари эса дўстона эканини таъкидлаган.
Месси келгусида Европада «Барселона»дан бошқа жамоа сафида ўйнамаслигини фаолиятини шу жамоада якунламоқчилигини айтиб ўтган.
«Балки, Аргентинага ҳам қайтишим мумкин. Агар яна битта «Олтин тўп» олсам, бундан хурсанд бўламан. Лекин мен бу мукофотга ўч эмасман», дейди Месси Marca нашрига.