Рустам Акрамов: "Бабаянга турнирда қатнашиш тажрибаси етишмади"

Футбол бўйича 2016 йилги U-23 Осиё чемпионатида гуруҳ босқичи баҳслари якунига етгач ва мусобақа чорак финалчилари номи маълум бўлгач, ўзбекистонлик футбол мутахассислари Ўзбекистон ОТЖнинг ушбу турнирдаги муваффақиятсизлигига ўз муносабатларини билдиришда давом этмоқда.

Ўзбекистонлик таниқли мухтассислардан бири бўлган Рустам Акрамов қуйидагича фикр билдирган.

"Самвел Бабаян ҳақида шундай дейишим мумкин: У яхши инсон, жамоани яхши шакллантирган, "Пахтакор" билан Ўзбекистоннинг икки карра чемпиони бўлган инсондир. Шунингдек, яхши менежер ва мураббийдир. Фақатгина унга турнирда қатнашиш тажрибаси етишмади, деб ўйлайман. Ҳар бир учрашувда рақибни "лақиллатиш" ва чалғитишни билиш керак. Юқорида айтиб ўтганимдек, турнирга тайёргарлик жараёнида ҳар бир ўйин учун алоҳида-алоҳида шуғулланиш керак эди. Бизда иккита муҳим ўйин бор эди. Қайсидир баҳсга прессинг, кейингисига эса бошқачароқ усул қўллаш керак эди", - дейди Рустам Акрамов "Футбол Экспресс" газетасига берган интервьюсида.

Сайфиддин Эрматов: "Ўзбекистон ОТЖни Нуралиев бошқариши керак эди"