General Motors 2015 йилда рекорд даражадаги 9,8 миллионта автомобиль сотди

Американинг General Motors компанияси 2015 йилда бутун дунёда 9,8 миллион дона автомобиль сотди, дея хабар бермоқда “Интерфакс”.

Шундай қилиб, компания кетма-кет учинчи йилдирки, савдолар ҳажми бўйича рекорд натижаларни қайд этмоқда. Хусусан, ўтган йили Шимолий Америка бозорига етказиб берилган автомобиллар миқдори 6 фоизга ошиб, 3,6 миллион донага етган. Хитойда ҳам 3,6 миллионта машина сотилиб, 2014 йилга қараганда 5 фоиз кўп маҳсулот етказилган.

2015 йилда Америка компанияси жаҳон автоишлаб чиқарувчилар рейтингида учинчи ўринни қўлга киритди. 10 ва 9,9 миллионта автомобиль сотган Япониянинг Toyota Motor ҳамда Германиянинг Volkswagen компаниялари олдинги поғоналарни банд этишди, дея қайд этмоқда MarketWatch.