Рублнинг қулаши муносабати билан россияликлар маиший техникани кредитга сотиб ола бошлади

Банк ходимларининг таъкидлашича, Россияда маиший техника учун кредитларга бўлган талаб кескин ошиб кетган. Ўтган йилги воқеалар яна такрорланмоқда, лекин бу сафар одамлар ёппасига маиший техника харид қилмоқда.

“Коммерсантъ” нашрининг хабар қилишича, январь ойида одатда бундай талаб ортмас эди, шу боис бу ҳолат рубль қадрининг кескин тушиб кетиши билан тушунтирилмоқда.

Ўтган йил январида ҳам электроника ва маиший техника ёппасига харид қилинган эди. Лекин у сафар одамлар харидни жойида амалга оширишни маъқул кўрган бўлса, ҳозирликда ҳамма нарса асосан кредитга сотиб олинмоқда.