“Толибон” гуруҳи ўзининг БМТнинг террорчилик гуруҳлари рўйхатидан чиқариб ташланишини талаб қилди

“Толибон” гуруҳи жангарилари ўзларининг БМТ Хавфсизлик кенгаши террорчилик гуруҳлари рўйхатидан чиқариб ташланишларини талаб қилдилар, деб хабар бермоқда Reuters ахборот агентлиги.

Хусусан, гуруҳ бундай шартни Афғонистон ҳукумати ва жангарилар ўртасида қарама-қаршиликнинг якунланиши ҳақида музокаралар ўтказилиши олдидан билдиришди.

Гуруҳ вакилларининг айтишича, музокаралар уларга мамлакатнинг келажаги борасида ўз фикрларини билдиришга имкон беради.

2015 йил июлида расмий ҳукумат ва жангарилар ўртасида расмий музокаралар бўлиб ўтганди, бироқ музокараларнинг иккинчи раунди “Толибон” етакчисининг ўлимидан кейин бекор қилинганди.