Айовадаги энг йирик газета Клинтон ва Рубио номзодларини қўллаб-қувватлаб чиқди

Айова штатидаги асосий нашр ҳисобланадиган Des Moines Register газетаси АҚШ президентлиги учун сайловда демократ Ҳиллари Клинтон ҳамда республикачи Марко Рубио номзодини қўллаб-қувватлашини маълум қилди.

Қайд этиш керакки, Айова АҚШдаги президентлик сайловларидаги асосий ўрин тутадиган ҳудуд ҳисобланади. Айнан шу ерда бир неча кундан кейин дастлабки тайёргарлик сайловлари бошланади.

Нашр раҳбариятининг қайд этишича, бу объектив қарашдир ва бу қарор узоқ давом этган муҳокамалардан кейин қабул қилинган. Муҳокамалар интервьюлар ва тадқиқотлар орқали олиб борилган. Бу жараёнда фақат нашр ходимлари иштирок этишган.

Рейтер агентлиги маълумотига кўра, 1988 йилдан буён нашр қўллаб-қувватлаган 9 номзоддан 3 нафари якунда штатдаги кўпчилик сайловчилар овозига эга чиққан.

Бундан олдинроқ, Айовадаги машҳур сиёсатчи Сара Пейлин сайловда Дональд Трампнинг номзодини қўллаб-қувватлашини билдирганди.

Трамп: Мен кимнидир отиб ташлашим мумкин ва бунинг оқибатида бирорта ҳам сайловчининг овозини йўқотмайман