Британиялик аёл 33 млн фунт стерлингли ютуқли лотерея чиптасини кирга қўшиб ювиб юборди

Британиялик аёл 33 млн фунт стерлингли ютуқли лотерея чиптасини ювиб юборди. Вустер шаҳрида яшовчи аёлнинг таъкидлашича, у чиптани ювилган жинсилар чўнтагидан топиб олган.

У чиптани фен ёрдамида қуритиб, чиптадаги сана, серия рақами ва штрих-код ўчиб кетганини аниқлаган.

Аёл буни айтиш учун лотерея оператори билан боғланган, у ерда аёлга бу воқеани ёзма тарзда баён қилиш тавсия қилинди. Лотерея ташкилотчилари ҳозирча ҳеч қандай қарор чиқаришмади.

Бундан аввал Буюк Британиядаги миллий лотерея ташкилотчилари лотереяда ўйналган жекпотнинг ярмини, яъни 33 млн фунт стерлинглик ютуқни ютган чипта эгасини қидиришаётгани маълум қилинганди.